Cyrus Engerer simbolu ta' progressiv

CYRUS ENGERER jitlaq minn partit li l-Kap tieghu jivvota kontra d-divorzju u jinghaqad ma’ partit li l-kap tieghu ma jaqbilx maz-zwieg bejn l-omosseswali u ma jaccetax li koppji gays jaddotaw it-tfal.

Cyrus Enegerer  huwa telfa ghall-PN. Kont tkellimt fit-tul mieghu u sibtu bhala persuna intelligenti,  sinciera, u jbaqbaq biex ma jhallix lid-dinja kif hallewha ta’ qablu. Fejn jidhlu dritijiet civili naqbel ma’ Cyrus kwazi f’kollox. Cyrus telfa ghall-PN ghax il-PN ma jistax jghix u jibqa’ l-Partit tal-bidla jekk jibqa’ jitlef persuni validi bhal Cyrus.

Li ma nistax nifhem hu kif Cyrus Engerer hassu skomdu f’partit li l-Kap tieghu jivvota kontra d-divorzju u jhossu komdu f’partit li l-kap tieghu jiddikjara li:

a. Ma jaqbilx maz-zwieg bejn l-omosseswali;

b. Ma jaqbilx li l-gays ikunu jistghu jaddotaw it-tfal.

Dawn dikjarazzjonijiet progressivi? 

Ma tistax tkun favur id-divorzju, tiftahar li int liberali u progressiv u tkun kontra iz-zwieg bejn l-omosseswali. L-argument tal-kap tal-Opozizzjoni huwa li z-zwieg ghandu jibqa’ bejn ragel u mara. Ghala? Mela sewwa, biex indahhlu d-divorzju ghazilna li nbiddlu l-kuncett taz-zwieg u ma jibqax ghal dejjem.  Allura kif mhux lesti nkomplu nbiddlu l-kuncett taz-zwieg u nghidu li z-zwieg ma jibqax bejn mara u ragel, izda jsir bejn zewg persuni li jinhabbu?

U m’intix liberali jekk tghid li fil-ligi tal-koabitazzjoni se naraw li jkollhom id-drittijiet civili. Dan ghal gays bhal Cyrus Engerer huwa insult. U bir-ragun.

Lill-persuni li ma rnexxiex l-ewwel zwieg taghhom m’ghidnielhomx ha noffrulkom civil partnership  jew se nirrangawlkom bil-ligi tal-koabitazzjoni. Ghidnilhom, u bir-ragun, intom ghandkom id-dritt li tergghu tizzewgu. U li jekk ikun hemm bzonn  tizzewgu t-tieni u t-tielet u r-raba darba.  Allura bl-istess argument ghala lill-koppji gay m’aniex lesti li intuhom imqar l-ewwel cans li jizzewgu?

Li tghid li l-koppji gays m’ghandhomx jithallew jaddotaw it-tfal huwa insult ikbar. Ghaliex ma jistghux jaddotaw tfal?  Jien naf tfal li trabbew minn  koppji gays. Huma tfal li trabbew b’imhabba u b’ghozza kbira. Uhud minnhom kibru, huma etrosesswali , u illum qeghdin f’pozizzjonijiet ta’ rispett. Huwa il-paroli li l-gays m’ghandhomx jaddotaw it-tfal li jaghmel hsara lil dawn l-istess tfal. Huma dawn l-istess tfal li hekk kif jisimghu diskors bhal dan jibdew jistaqsu jekk huma hux suppost ghandhom problema. U hemm tinbet il-problema.

Li tkun progressiv ifisser li tinsisti fil-Parlament biex fl-iskejjel, minn eta’ zghira, it-tfal jibdew jitghallmu li l-imhabba mhux bilfors tkun bejn mara u ragel imma anke bejn zewgt irgiel jew zewg nisa. Li fl-iskejjel jinbiddlu l-kotba u fihom jinkludu stampi u stejjer ta’  koppji gay, persuni transesswali etc. B’hekk it-tfal jifhmu li hemm orjentazzjonijiet sesswali differenti. Biex hekk meta jhossu gibdiet differenti minn ta’ shabhom ma jghaddux minn trawmi bla bzonn.

L-idea li inti progressiv ghax favur id-divorzju tifqani bid-dahk. Evarist Bartolo mhux progressiv ghax ressaq il-ligi tad-divorzju. Dik kienet tkun progressiva kieku ghamilha 15-il sena ilu. Evarist Bartolo huwa progressiv ghax qed jipproponi ligi dwar il-persuni transesswali li tbiddel radikalment il-mod kif ikunu trattati f’pajjizna. Hija ligi li bil-pozizzjoni tal-mexxej tal-PL dwar il-gays, ghandha ssib rezistenza qawwija ghax hija radikali wisq.

Nittama li Cyrus Engerer ma jkunx biss simbolu komdu fil-vetrina ta’ Partit li, almenu sa issa, il-libsa ta’ progressiv ma tigihx, ma tixraqlux u mhux lest jippruvaha jekk is-surveys jibqghu jiddettawlu li tal-gays ghadha mhix ‘popolari’ bhal tad-divorzju.